عايز تواصل تعليمك وتعمل ماجستير في أوروبا بدعم كاااااامل من الإتحاد الأوروبي؟ باب التقديم لي منح إيراسموس موندوس لبرامج الماجستير فاتح كل برنامج عنده نافذة تقديم ومواعيد مختلفة خلال الفترة دي ممكن تلقوها في رابط الكاتالوج المرفق تحت. لكن و بشكل عام، معظم البرامج بتطلب منكم المستندات دي: 1. شهادة البكلاريوس: سواء كنت خريج بكلاريوس حديث أو عندك خبرة عملية طويلة. أو تكون في آخر سنة من دراستك للبكلاريوس، وفي الحالة دي تكون قادر تستلم شهادتك قبل بداية السنة الدراسية 2. شهادة التفاصيل 3. صورة شخصية حديثة 4. جواز سفر ساري لمدة سنتين من تاريخ بدء الدراسة 5. شهادة إجادة اللغة الإنجليزية: زي ايلتس، توفل، أو دولينجو. وفي برامج كتيرة بتقبل شهادة من جامعتك تثبت أن لغة التدريس في البكلاريوس هي الإنجليزية 6. خطاب الدافع: ده مستند بتكتبه عشان تشرح ليه إنت عايز تقدم على البرنامج الدراسي المعين وليه هم مفروض يختاروك 7. سيرة ذاتية بي نموذج Europass 8. خطابين توصية أكاديمية أو مهنية أو كلاهما، ودي بتختلف من برنامج للتاني 9. بعض البرامج ممكن تطلب منك مستند لإثبات الإقامة، وده عشان يتأكدوا إنك ما كنت متواجد داخل الإتحاد الأوروبي خلال آخر ١٢ شهر. مستندات زي شهادة السكن أو عقد إيجار باسمك أو كشف حساب بنكي فيه عنوانك بتكون كافية لتحقيق الغرض 📌كل المستندات دي لازم تكون باللغة الإنجليزية، والتقديم بسيط جداً و ما فيه أي تعقيد 📚 قائمة برامج الماجستير المتوفرة: https://study.sudancareer.com/?p=1217 الحقوا الفرصة قبل ما تفوتكم وما تترددوا !!! ⏳